Kalaallit Nunaanni Qatserisartut Peqatigiiffiata Malittarisassai
§ 1 Peqatigiiffiup aqqa, aqunneqarneralu
Peqatigiiffik ateqarpoq Kalaallit Nunaanni Qatserisartut Peqatigiiffiat (KaNuQaPe) Peqatigiiffiup
aqutsisorai; ataatsimeersuarneq, siulittaasoq, allatsi siulersuisunilu ilaasortat.
§ 2 Siunertaq
Peqatigiiffiup siunertaraa:
• Ilaasortat akissiarsiaannut suliffeqarnerannullu tunngasut isumagissallugit,
• Kisitsisit akissarsianut sulinermullu attuumassuteqartut ingerlatissallugit (statistik)
• Peqatigiiffiup aningaasaqarneranut sulineranullu iluaqutaasinnaasumik peqatigiiffinnik,
soqutigisaqatigiiffinnik, kattuffinnik pisortanillu suleqateqarnissaq.
• Ilaasortat ilinniartitaanerannut tunngasunik pisortanut siunnersuusiortassalluni, taamaalilluni
ilinniartitaaneq ilisimasallu qaffassaaqataaffigissallugit
• Najukkami upalungaarsimaniarneq inuiaqatigiinni suliffiunera soqutiginarsassallugu
• Sumiiffigisami isumannaallisaaneq upalungaarsimanerlu paasititsiniutigisassallugu
§ 3 Ilaasortat
Peqatigiiffimmut ilaasortaasinnaapput kommuneni upalungaarsimaniarluni sulisuusut makkuusut:
Qatserisartut ilinniarsimanngitsut
Qatserisartut ilinniarsimasut
Qatserisartunik aqutsisut tullersortaat (viceberedskabsmestre)
Qatserisartuni aqutsisut (beredskabsmestre)
Qatserinermi ingerlatsisut tullersortaat (viceberedskabsinspektører)
Qatserinermi ingerlatsisut (beredskabsinspektører)
Ilaasortanngornermi isumaqatiginniunneqarsinnaaneq ingerlaannartumik atuutilissaaq. Taamatullu
kisitsisit § 2-mi eqqarorneqartut pinngitsoorani tunniunnissaat akuerissallugu.
§ 4 Ataatsimeersuarneq
Ataatsimeersuarneq oqartussaaffiit qullersaraat. Ataatsimeersuarneq. Ataatsimeersuarneq ukiut pingasukkaarlugit ingerlanneqartassaaq. Ataatsimeersuariaqqusineq qaammammik ataatsimik sioqqullugu
aggersaasoqartassaaq, aggersaassummilu oqaluuserisassat ilanngunneqartassapput.
Ataatsimeersuarnermi oqaluuserisassatut siunnersuutit siulittaasumut nassiunneqareersimassapput
ataatsimeersuarneq sapaatit akunneri pingasut sioqqullugit. Siulittaasullu ilaasortanut ullut arfineq
marluk sioqqullugit nassiutereersimassavai.
Peqataasumit ataasiinnarmit piumasarineqarpat allakatigut qinersineq ingerlanneqartassaaq.
Aalajangigassat amerlanerussuteqarnikkut aalajangerneqartassapput. Pisinnaatitsissummik
tunniussisoqarsinnaanngilaq. Ilaasortat akiliisimasut peqataasullu taasisinnaatitaapput.
§ 5 Ataatsimeersuarnermi oqaluuserisassat
Oqaluuserisassat minnerpaamik ima imaqassapput:
a) Aqutsisussamik allatsissamillu qinersineq
b) Siulersuisut nalunaarutaat
c) Naatsorsuutit saqqummiunneqarnerat
d) Ilaasortanngornermi akiliut aalajangersimasoq, ilaasortaanermi akiliutit ukiumullu
tulliuttumut missingersuutit aalajangerneqarnerat (§ 9 aallaavigalugu)
e) Siunnersuutit oqaluuseriumasat (§ 4 aallaavigalugu)
f) Siulittaasumik qinersineq (§ 7 aallaavigalugu)
g) Aningaaserisumik qinersineq (§ 7 aallaavigalugu)
h) Siulersuisuni ilaasortassanik tallimanik qinersineq (§ 8 aallaavigalugu)
i) Sinniisussanik pingasunik qinersineq (§ 8 aallaavigalugu)
j) Kukkunersiuisussanik marlunnik qinersineq (§ 9 aallaavigalugu)
k) Kukkunersiuisut sinniisussaannik marlunnik qinersineq (§ 9 aallaavigalugu)
l) Tamalaat
§ 6 Immikkut ittumik ataatsimeersuarneq
Siulersuisut pisariaqarsorippassuk, ilaasortalluunnit 1/3-iisa allakkatigut piumasarippassuk
isumaqatigiissutip atorunnaarsinneqarnissaa immikkut ittumik ataatsimeersuartoqassaaq. Immikkut
ittumik ataatsimeersuarnissaq ullunik 14-nik sioqqullugu siulittaasoq aggersaassaaq, aggersaanermi
oqaluuserisassat ilangunneqassapput. Tamannalu pissaaq isumaqatigiissummik
atorunnaarsitsiniarluni allakkanik tigusereernermit ullut 30 nallertinnagit.
§ 7 Siulittaasoq aningaaserisorlu
Siulittaasup tunuarnerani siulittaasup tullia siulittaasuugallassaaq, ataatsimeersuanerup tullissaata
tungaanut. Siulittaasunngortup qinigaaffiup sinnera siulittaasuuffigissavaa.
Siulittaasup atsiornera atuuttuussaaq. Ataatsimeersuarnerup akuersineratigut siulittaasoq
siulersuisunit akissarsiaqartinneqarsinnaavoq taamatullu/imaluunnit akissarsialimmik
allattutaartoqarsinnaavoq.
Aningaaserisup tunuarneratigut siulersuisuni ilaasortaq aningaaserisutut ingerlagallassaaq,
ataatsimeersuarnerup tullissaata tungaanut. Aningaaserisunngortup qinigaaffiup sinnera
aningaaserisuuffigissavaa.
§ 8 Siulersuisut
Peqatigiiffimmi siulittaasoq, aningaaserisoq siuleruisunilu ilaasortat tallimat qinikkatut
ilaasortaapput.
Sinniisussanik tallimanik qinersisoqartassaaq.
Siulersuisut iluminni siulittaasup tullissaanik allatsimillu qinersissapput.
Siulersuisut namminneerlutik suleriaasissarik ilusilersussavaat, allattaavinnullu immersuisassallutik.
Siulersuisut ataatsimiittassapput siulittaasup aalajangerneratigut, siulersuisulluunnit pingasut
piumasaqarneratigut pisassaaq.
Siulersuisut aalajangiisinnaassuseqarput ikinnerpaamik pingasuugunik.
Ulluinnarni aqutsisut tassaapput:
Siulittaasoq, aningaaserisoq siulersuinuniillu toqqagaq ataaseq.
Ulluinnarni aqutsisut ajornanngippat siulittaasup illoqarfianiissapput.
Immikkut suliassaqartillugu siulersuisut ataatsimiisitaliorsinnaapput ukiumi ataatsimi
ingerlasussami. Peqatigiiffimmi ilaasortat ataatsimiisitaliami ilaasortaasinnaapput. Peqatigiiffiup
siulittaasua tullialuunnit ataatsimiisitaliami ilaasortaassaaq. Ataatsimiisitaliat siulersuisut
akisussaafigisaannik sulissapput.
Inuit immikkut suliaqartitaasut ajunngitsorsiaqartinnissaat, angalanerat nerisaqarnerallu
peqatigiiffimmit akilerneqartassaaq.
Siulersuisut sulinerminni ajunngitsorsiaralugu peqatigiiffimmut akiliuteqartassanngillat.
§ 9 Aningaasaqarneq kukkunersiuisoqarnerlu
Peqatigiiffimmut ilaasortanngorneq allakkatigut nalunaarutigineqassaaq, ilaasortanngorneq
qaammatip qaninnerup aallartinnerani atuutilissaaq.
a) Ilaasortanngornermi akiliut aalajangersimasoq ataatsimeersuarnermi
aalajangiunneqarsimasoq akilerneqassaaq. Akuerisaallutik ilaasortaajunnaarsimasut
ilaasortaanermi akiliut aalajangersimasoq akilereerunikku ilaasortanngoqqissinnaapput.
b) Siulersuisut siunnersuuteqarnerisigut ilaasortat akiliutaat, ukiumullu tullermut
missingersuutit ataatsimeersuarnermi aalajangerneqartassapput.
c) Sulisitsisullu isumaqatigiinngissuteqarnermi (suliumajunnaarnermi) siulersuisut
ilaasortaanermi akiliutip qaavatigut akileeqqusisinnaapput
d) Ilaasortat ilaasortaanermut akilut kisiat akilertassavaat
e) Peqatigiiffiup aningaasaqarnera 1. Januar-imit 31. December-imut ingerlavoq.
Aningaaserisup naatsorsuutit kukkunersiuisunut kingusinnerpaamik 1. Marts
tunniutereersimassavai.
f) Kukkunersiuisunik marlunnik qinersisoqassaaq, taakkunannga ataaseq ilaasortaniissaaq. Ataatsimeersuarnermi aalajangerneqarsinnaanngippat siulersuisut pisinnaatinneqarput kukkunersiuisussanik ujaasinissamut.
g) Kukkunersiuisut sinniisussaannik marlunnik qinersisoqassaaq, taakkunannga ataaseq
ilaasortaniissaaq. Ataatsimeersuarnermi aalajangerneqarsinnaanngippat siulersuisut pisinnaatinneqarput kukkunersiuisussanik ujaasinissamut.
h) Naatsorsuutit kukkunersiorneqartassapput ataatsimeersuarnermi innersuutit
aningaasartuutissatullu missingersuutit aallaavigalugit. Kukkunersiuisut naatsorsuutit
kukkunersioreersimassavaat tiguneranit qaammat ataaseq qaangiutsinnagu, siulittaasumullu
tunniullugit. Eqqaasariallit naatsorsuutini kukkunersiorneqarsimasuni allanneqartassapput.
§ 10 Ilaasortaajunnaarneq
Ilaasortaajunnaarneq allakkatigut qaammat ataaseq sioqqullugu siulersuisunut tunniunneqassaaq,
qaammatillu qaninnerup aallaqqaataanit atuutilissalluni.
Suliumajunnaarnissap suaarutigineqareernerani ilaasortaajunnaartoqarsinnaanngilaq, aatsaallu
ilaasortaajunnaartoqarsinnaalluni suliumajunnaarnermi immikkut akiligassiisoqarsimappat
akiligassap akilereerneratigut.
Ilaasortaajunnaareernermi ilaasortaasimasoq peqatigiiffimmut piumasaqarsinnaanngilaq,
taamatuttaarlu ilaasortanngornermi akiliut aalajangersimasoq utertinneqarsinnaanani.
§ 12 Ilaasortaajunnaarsitsineq
Ilaasortaq torinngitsumik kusanaatsumillu pissusilersorpat siulersuisut aalajangersinnaapput
pineqartoq peqatigiiffimmit ilaasortaajunnaarsinneqassasoq. Aalajangernerit taamaattut
siulersuisunit ikinnerpaamik pingasunit akuerineqarpata aatsaat atuutilissapput.
Ilaasortaajunnaarsinneqartup ilaasortaajunnaarsinneqarnini ataatsimeersuarnermi
nalilertissinnaavaa.
Ilaasortaajunnaarsitsineq ataatsimeersuartuni taasisut atorsinnaasut 2/3-iisa akuerissavaat.
Ilaasortaajunnaarsinneqartoq aatsaat ilaasortanngortinneqaqqissinnaavoq ataatsimeersuarnermi
nalinginnaasum tullermi taasisut atorsinnaasut 2/3-iisa akuerippassuk.
§ 13 Malittarisassanik allanngortitsineq
Nalinginnaasumik ataatsimeersuarnermi malittarisassat allanngortinneqarsinnaapput,
ilaasortat ataatsimeersuaqataasut amerlanerussutillit akuersilutik taasippata. Ataasimeersuarnermi takkuttukippallaarnera
pissutigalugu malittarisassat allanngortinneqarsinnaanngippata immikkut ittumik
aaatsimeersuarnermi allanngortinneqarsinnaapput ataatsimeersuaqataasut 2/3-ii
amerlanerussuteqarlutik akuersippata, takkuttut amerlassusaat apeqqutaatinnagu.
Immikkut ittumik ataatsimeersuarneq kingusinnerpaamik ullunik 14-nik sioqqutsilluni
nalunaarutigineqassaaq.
§ 14 Peqatigiiffiup atorunnaarsinneqarnera
Peqatigiiffik atorunnaarsinneqassappat piumasaqaataavoq nalinginnaasumik ataatsimeersuarnermi
ikinnerpaamik ilaasortat affaat najuunnissaat, taakkunanngalu taasisinnaasut 2/3-ii
amerlanerussuteqarluarlutik akuersinissaat. Ilaasortat affaat peqataanngippata atorunnaarsitsineq
immikkut ittumik ataatsimeersuarnermi taasissuigeqqinneqarsinnaavoq, taasisinnaasut 2/3-ii
akuersusariaqarput, najuuttullu amerlassusaat tassani apeqqutaanani.
Immikkut ittumik ataatsimeersuarneq kingusinnerpaamik ullunik 14-nik sioqqutsilluni
nalunaarutigineqassaaq.
Peqatigiiffik atorunnaarsinneqassappat, aningaasaatai pigisaalu nalillit upalungaarsimaniarnermi
siunertanut tunniunneqassapput ataatsimeersuartut aalajangiinerisigut.
Peqatigiiffiup aningaasaatai pigisaalu nalillit ilaasortanut agguaanneqarsinnaanngillat.
Malittarisassat atuutilersinneqarput oqarasuaatikkut pilersitsilluni ataatsimeersuarnermi ulloq
Malittarisassat allanngortinneqarput Qaqortumi ataatsimeersuarnermi ulloq majip qulingat 2014
Poul Olsen Josef Therkildsen
Siulittaasoq Aqitsisoq